تميم البرغوثي إهداء لأحرار مصر الشرفاء جديد وحصري
صفحة 1 من اصل 1
قصيده يوم الغضب للشاعر تميم البر غوثي
يامصر هانت وبانت كلها كام يوم
نهارنا نادي ونهار الندل مش باين
الدوله مفضلش منها الا حبه شوم
لو مش مصدق تعالى على الميدان عاين
ياناس مفيش حاكم الا من خيال محكوم
وصلت لضرب الرصاص ع الخلق في الميادين
حتى الجثث حجزوها اكمنهم خايفين
يامصر اصبحنا احياء وميتين مساجين
نهارنا نادي وبأيدينا على فكره
الصبح عنده فضول راح نعمل ايه بكره
ايده على الباب وخايف يلمس الاكره
ادخل ياأستاذ براحتك والبلد حره
احنا زهقنا نشوف الصبح من بره
ادخل وخرج بقايا العتمه بالمره
الناس دي حره وجنود الأمن مضطره
ياصبح طلعت روحنا لجن تيجي ياخي
طالعين نجيبها اهو في كل حاره وحي
حتى لو ضربونا بالرصاص الحي
شوف الميادين كده مفروشه خلق وضي
دايما مفاجأه ودايما وقتها معلوم
الحكم لينا وليك الحق يامداين
يامصر هانت وبانت كلها كام يوم
نهارنا نادي ونهار الندل مش باين
ياصف عسكر بدل الدرع شيلوه اتنين
25 يناير ياشباب فاكرين كان فيه انجليز ووزير داخليه تخين
كان عنده برده عسكر زيكم جامدين
سابهم يموتوا علولا لو سأل فيهم
كانوا شبهكم اساميكم اساميهم
ياعسكري البهوات اللي بتحميهم
ممكن يردوا عليك لما تناديهم
ياعسكري انا اصلي بس بستغرب
لو لاقي تاكل وتشرب قوم ياعم اضرب
اضرب عشان الوزير من ضربتك يطرب
لكن هتشتغل ايه لما الوزير يهرب
اما الشديد القوي الفاجر ابو القادر
برميل تلامه نشع على مصر م الاخر
لو شافته معدده تكتب ادب ساخر
ثابت يقول للهرم ياكابتن اتاخر
يامصر هانت وبانت كلها كام يوم
نهارنا نادي ونهار الندل مش باين
ده حكم اسره ولا خوفو ولا خفرع
ولا وجع بطن يتعالج بزيت خروع
عمل مسوكر بعيد عنك ولا يطلع
جربنا فيه كل شئ مالقينا شئ ينفع
مطلعش بالأدويه ولابألف طبيب
ولا بعطاره شيوخ ليهم بلح وزبيب
ولا بجحفل مغولي وضرب بالقباقيب
عمل مسوكر وسفلي شغل تل ابيب
وشغل امريكا متغلف وختمه عليه
قاعد 30 سنه ومبيقولش قاعد ليه
والنيه مبيته لابنه النابغه بعديه
ويقول قضا وقدر بين البشر محتوم
قولنا له طيب ومين قال ان القدر معلوم
وايش عرفك فخامتك بالذي كان
يامصر هانت وبانت كلها كام يوم
نهارنا نادي ونهار الندل مش باين
(رائعه تميم البرغوثي28 يناير 2011)
نهارنا نادي ونهار الندل مش باين
الدوله مفضلش منها الا حبه شوم
لو مش مصدق تعالى على الميدان عاين
ياناس مفيش حاكم الا من خيال محكوم
وصلت لضرب الرصاص ع الخلق في الميادين
حتى الجثث حجزوها اكمنهم خايفين
يامصر اصبحنا احياء وميتين مساجين
نهارنا نادي وبأيدينا على فكره
الصبح عنده فضول راح نعمل ايه بكره
ايده على الباب وخايف يلمس الاكره
ادخل ياأستاذ براحتك والبلد حره
احنا زهقنا نشوف الصبح من بره
ادخل وخرج بقايا العتمه بالمره
الناس دي حره وجنود الأمن مضطره
ياصبح طلعت روحنا لجن تيجي ياخي
طالعين نجيبها اهو في كل حاره وحي
حتى لو ضربونا بالرصاص الحي
شوف الميادين كده مفروشه خلق وضي
دايما مفاجأه ودايما وقتها معلوم
الحكم لينا وليك الحق يامداين
يامصر هانت وبانت كلها كام يوم
نهارنا نادي ونهار الندل مش باين
ياصف عسكر بدل الدرع شيلوه اتنين
25 يناير ياشباب فاكرين كان فيه انجليز ووزير داخليه تخين
كان عنده برده عسكر زيكم جامدين
سابهم يموتوا علولا لو سأل فيهم
كانوا شبهكم اساميكم اساميهم
ياعسكري البهوات اللي بتحميهم
ممكن يردوا عليك لما تناديهم
ياعسكري انا اصلي بس بستغرب
لو لاقي تاكل وتشرب قوم ياعم اضرب
اضرب عشان الوزير من ضربتك يطرب
لكن هتشتغل ايه لما الوزير يهرب
اما الشديد القوي الفاجر ابو القادر
برميل تلامه نشع على مصر م الاخر
لو شافته معدده تكتب ادب ساخر
ثابت يقول للهرم ياكابتن اتاخر
يامصر هانت وبانت كلها كام يوم
نهارنا نادي ونهار الندل مش باين
ده حكم اسره ولا خوفو ولا خفرع
ولا وجع بطن يتعالج بزيت خروع
عمل مسوكر بعيد عنك ولا يطلع
جربنا فيه كل شئ مالقينا شئ ينفع
مطلعش بالأدويه ولابألف طبيب
ولا بعطاره شيوخ ليهم بلح وزبيب
ولا بجحفل مغولي وضرب بالقباقيب
عمل مسوكر وسفلي شغل تل ابيب
وشغل امريكا متغلف وختمه عليه
قاعد 30 سنه ومبيقولش قاعد ليه
والنيه مبيته لابنه النابغه بعديه
ويقول قضا وقدر بين البشر محتوم
قولنا له طيب ومين قال ان القدر معلوم
وايش عرفك فخامتك بالذي كان
يامصر هانت وبانت كلها كام يوم
نهارنا نادي ونهار الندل مش باين
(رائعه تميم البرغوثي28 يناير 2011)
hussein- المساهمات : 3
تاريخ التسجيل : 01/06/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى