تميم البرغوثي قصيدة قالوا لي بتحب مصر

**Admin** السبت يونيو 04, 2011 12:31 am

:‎Mohamed Galby‎
قالولي بتحب مصر فقلت مش عارف المعنى كعبة وانا بوَفْد الحروف طايف
وألف مغزل قصايد في الإدين لافف قالولي بتحب مصر فقلت مش عارف
أنا لما اشوف مصر ع الصفحة بكون خايف
مين اللي باعك، عدوك، بعض أولادك
مين اللي كانوا عبيدك وصاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
قالولي بتحب مصر فقلت مش عارف لا جيتها سايح ولاني أعمي مش شايف
بلد علمها انمزع والرفّا في المساجين ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز سؤال نعيش أو نموت، فيه لا يجوز ويجوز
لو السقوف خايخة نسندها بحجارة وطوب لكن ده لوح القزاز كله ضرب تشريخ
لو الولد حرف في الآية، ها يبقى يتوب بس المصيبة إذا الآية اخترعها الشيخ
قالولي بتحب مصر أخدني صمت طويل وجت في بالي ابتسامة وانتهت بعويل
أصل المحبة بسيطة ومصر تركيبة ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة ولا اختصر مصر وانده مصر يا حبيبة
(رائعه تميم البرغوثي2003)

تميم البرغوثي قصيدة قالوا لي بتحب مصر

تميم البرغوثي قصيدة قالوا لي بتحب مصر

رد: تميم البرغوثي قصيدة قالوا لي بتحب مصر